ಟೋಕಿಯೋ: ಭಾರತದ ಟೇಬಲ್ ಟೆನ್ನಿಸ್‌ ಆಟಗಾರ್ತಿ ಮನಿಕಾ ಬಾತ್ರಾ ಉಕ್ರೇನ್ನ ಮಾರ್ಗರಿಟಾ ಪೆಸೊಟ್ಸ್ಕಾ ವಿರುದ್ಧ ಗೆಲುವು ಸಾಧಿಸುವ ಮೂಲಕ 3ನೇ ಸುತ್ತು ಪ್ರವೇಶಿಸಿದ್ದಾರೆ.
ಭಾನುವಾರ ನಡೆದ ಪಂದ್ಯದಲ್ಲಿ ಮನಿಕಾ ಉಕ್ರೇನ್ ಆಟಗಾರ್ತಿ ಎದುರು ಮೊದಲೆರಡು ಗೇಮ್ಗಳಲ್ಲಿ 4-11, 4-11 ರಲ್ಲಿ ಸೋಲು ಕಂಡರು. ಆದರೆ ನಂತರ ಕಮ್ಬ್ಯಾಕ್ ಮಾಡಿದ್ದು 11-7ರಲ್ಲಿ ಮೂರನೇ ಆಟ ಗೆದ್ದರು.
ನಾಲ್ಕನೇ ಸುತ್ತು ಇಬ್ಬರು ಆಟಗಾರ್ತಿಯರ ನಡುವೆ ಪ್ರಬಲ ಪೈಪೋಟಿ ಕಂಡುಬಂತಾದರೂ ಮನಿಕಾ 12-10ರಲ್ಲಿ ಜಯ ಸಾಧಿಸಿ ಪಂದ್ಯವನ್ನು 2-2ರಲ್ಲಿ ಸಮಬಲಕ್ಕೆ ತಂದರು.
61ನೇ ಶ್ರೇಯಾಂಕದ ಭಾರತೀಯ ಆಟಗಾರ್ತಿ ಮತ್ತೆ 5ನೇ ಗೇಮ್ನಲ್ಲಿ 8-11ರಿಂದ ಕಳೆದುಕೊಂಡು ಹಿನ್ನಡೆ ಅನುಭವಿಸಿದರು. ಆದರೆ ಸೋಲೊಪ್ಪಿಕೊಳ್ಳದ ಮನಿಕಾ 6 ಮತ್ತು 7ನೇ ಗೇಮ್ಗಳನ್ನು ಕ್ರಮವಾಗಿ 11-5 ಮತ್ತು 11-7ರಲ್ಲಿ ಗೆದ್ದು ವಿಶ್ವದ 32 ನೇ ಶ್ರೇಯಾಂಕದ ಆಟಗಾರ್ತಿಗೆ ಆಘಾತಕಾರಿ ರೀತಿಯಲ್ಲಿ ಸೋಲುಣಿಸಿ 3ನೇ ಸುತ್ತಿಗೆ ತೇರ್ಗಡೆಯಾದರು.
ಪುರುಷರ 2ನೇ ಸುತ್ತಿನ ಪಂದ್ಯದಲ್ಲಿ ಸತಿಯಾನ್ ಜ್ಞಾನಶೇಖರನ್ ಸೋಲು ಕಂಡು ಟೂರ್ನಿಯಿಂದ ನಿರ್ಗಮಿಸಿದ್ದಾರೆ.
ಇದನ್ನೂ ಓದಿ: Tokyo Olympics: ಭಾರತದ ಸ್ಟಾರ್ ಬಾಕ್ಸರ್ ಮೇರಿ ಕೋಮ್ ಪ್ರಿಕ್ವಾರ್ಟರ್ ಪ್ರವೇಶ
